Микель Артета мураббийлик фаолиятидаги бешинчи совринини қўлга киритди.

Бугун испаниялик мутахассис бошқарувидаги "Арсенал" Англия Суперкубоги баҳсида "Манчестер Сити"ни 3:0 ҳисобида йирик мағлубиятга учратди.

Артета қўл остида Лондон клуби 2026 йилда Англия Премьер-лигасида чемпион бўлди. Шунингдек, "Арсенал" 2020 ва 2023 йилларда Англия Суперкубогини, 2020 йилда эса Англия кубогини қўлга киритган.

Шу тариқа, Микель Артета "Арсенал" бош мураббийи сифатида жами бешта соврин соҳибига айланди.

Артета футболчилик фаолиятида ҳам "Арсенал" билан совринлар ютган. У "канонирлар" сафида икки марта Англия кубоги ва икки марта Англия Суперкубогини қўлга киритган.

Испаниялик мутахассис 2019 йил охиридан бери "Арсенал"ни бошқариб келмоқда.