Лондоннинг "Арсенал" клуби бош мураббийи Микел Артета жамоанинг Англия Премьер-лигасидаги чемпионлик унвонини ҳимоя қилиш мақсади ҳақида фикр билдирди.
"Канонирлар" янги мавсумда ҳам чемпионлик учун асосий фаворитлардан бири сифатида қаралмоқда. Ўтган мавсумда лондонликлар 22 йиллик танаффусдан сўнг илк бор Англия чемпиони бўлишган эди.
"Биз яна чемпионатда ғолиб чиқишни истаймиз. Бу истак ҳеч қаерга йўқолгани йўқ — бу ҳисни яна бир бор туйишни, янада буюк лаҳзаларни бошдан кечиришни хоҳлаймиз. Бунинг қанчалик қийин эканини ва мақсадга эришиш учун қанчалик кўп меҳнат қилиш кераклигини яхши биламиз.
"Арсенал" ҳали ҳеч қачон Премьер-лигада кетма-кет икки марта чемпион бўлмаган. Шунинг учун бунинг учун, албатта, ўзига хос бир нарса талаб қилинади. Аммо биз бунга тайёрмиз", — дея Артетанинг сўзларини Arsenal Radar келтиради.
Якшанба куни "Арсенал" Англия Суперкубогини қўлга киритди. Микел Артета шогирдлари ҳал қилувчи баҳсда "Манчестер Сити"ни 3:0 ҳисобида мағлуб этди.
