Франциянинг "Лилл" клуби 18 ёшли ярим ҳимоячиси Айюб Буадди яқин вақт ичида "Манчестер Сити" сафига қўшилиши мумкин.
BBC Sport маълумотига кўра, "шаҳарликлар" Родри Эрнандесни "Барселона"га сотганидан сўнг марокашлик иқтидорли футболчининг трансферини шу ҳафтанинг ўзида якунлашни режалаштирмоқда. Кутилишича, Манчестер клуби Буадди учун 100 млн евро тўлайди.
Ёш ярим ҳимоячи ўтган мавсумда барча мусобақалар доирасида 42 та учрашувда майдонга тушди. У гол ура олмаган, аммо 1 та голли узатмани амалга оширган.
Transfermarkt портали Айюб Буаддининг ҳозирги бозор қийматини 80 млн еврога баҳоламоқда.
