Ўзбекистон Суперлигаси 17-турида тўп узатишлар аниқлиги бўйича энг яхши натижа қайд этган жамоалар эълон қилинди. Статистик маълумотлар HUDL платформаси томонидан тақдим этилган.

Турнинг энг юқори кўрсаткичи «Сурхон» ҳисобига ёзилди. Термизлик футболчилар амалга оширган тўп узатишларнинг 86 фоизи ўз манзилига етиб борган.

Иккинчи ўринни 85 фоизлик натижа билан Самарқанднинг «Динамо» клуби эгаллади. «Локомотив» 84 фоиз, «Машъал» эса 83 фоизлик аниқлик кўрсатди.

17-турдаги энг юқори тўп узатиш аниқлиги:

1. «Сурхон» — 86 фоиз;
2. «Динамо» — 85 фоиз;
3. «Локомотив» — 84 фоиз;
4. «Машъал» — 83 фоиз.

Қизиғи, ушбу рўйхатдаги тўрт жамоадан бирортаси ҳам 17-турда ғалаба қозона олмади. «Сурхон» ўз майдонида «Сўғдиёна»га 1:3, «Локомотив» эса «Қўқон-1912»га 1:2 ҳисобида мағлуб бўлди. «Машъал» «Қизилқум»га 0:2 ҳисобида имкониятни бой берди.

Фақат «Динамо» очко ишлашга муваффақ бўлди — самарқандликларнинг «Хоразм»га қарши учрашуви 2:2 ҳисобида якунланди.