"Челси" Лиам Делап ва Николас Жексонни шу ёзда сотиб юбориш вариантини ҳамон кўриб чиқмоқда. Бу ҳақда The Telegraph журналисти Мэтт Лоу хабар берди.
Манбага кўра, лондонликлар муносиб таклиф тушган тақдирда ҳар икки ҳужумчи билан ҳам хайрлашишга тайёр.
Жексон ўтган мавсумни ижара асосида "Бавария"да ўтказди, аммо мюнхенликлар уни тўлиқ сотиб олмади. Айни пайтда унга "Атлетико" томонидан қизиқиш борлиги хабар қилинмоқда.
Делапнинг келажаги ҳам ноаниқ. 23 ёшли футболчига Премьер-лиганинг бир қатор клублари қизиқиш билдирмоқда.
Шу тариқа, трансфер ойнаси ёпилгунига қадар "Челси" ҳужум чизиғида яна ўзгаришлар бўлиши мумкин.
