"Барселона" "Вильярреал" ҳужумчиси Айосе Пересни Хулиан Альваресга муқобил вариант сифатида кўриб чиқмоқда.
Radio Marca маълумотига кўра, каталонияликлар ҳали ҳам "Атлетико" ҳужумчиси Альваресни қўлга киритишдан умид узмаган. Бироқ Мадрид клубининг аргентиналик футболчини сотмаслик борасидаги қатъий позицияси трансферни қийинлаштирмоқда.
Шу сабаб "Барселона" бошқа вариантларни ҳам ўрганмоқда. Улар орасида 33 ёшли Айосе Перес ҳам бор. Унинг ўйин услуби бош мураббий Ханси Флик талабларига мос келиши таъкидланмоқда.
Футболчининг товон пули 30 млн еврони ташкил қилади, аммо уни арзонроқ нархга харид қилиш имконияти ҳам бор. Переснинг ўзи ҳам "Барселона"га ўтишга қизиқмоқда.
Испаниялик ҳужумчи ўтган мавсум барча мусобақаларда 7 та гол уриб, 5 та голли узатма берган.
