"Барселона"нинг янги ярим ҳимоячиси Родри "Манчестер Сити"ни тарк этгани ҳақида фикр билдирди. Сешанба куни кечқурун 30 ёшли футболчининг каталония клубига ўтгани расман эълон қилинган эди.
"Мен ўзимни кетяпман, деб ҳис қилмаяпман. Менимча, шунчаки бошқа клубга ўтяпман, холос. Аммо қалбим ҳамиша шаҳар ва клуб билан боғлиқ бўлиб қолади. Мен доимо "Сити" ўйинларини кузатишга ва собиқ жамоадошларим билан алоқани сақлаб қолишга ҳаракат қиламан. Албатта, жисмонан мен кетяпман.
Менимча, етти йилдан кейин хайрлашиш ва яхши тарихни якунлаш учун айни пайт келди. Мен доимо энг муҳими — бутун манзарани, худди бир фильмдек, тўлиқ кўриб чиқиш ва "Мен бундан фахрланаман", деб айта олиш, деб ҳисоблайман.
Қалбим абадий мовий рангда қолади. Агар "Сити"га бирор нарса керак бўлса, улар ҳамиша Родрига ишониши мумкин", — дея футболчининг сўзларини келтиради The Touchline.
Родри "Барселона" билан тўрт йиллик шартнома имзолади.
