«Ал-Ҳилол» ҳужумчиси Дарвин Нуньес «Бешиктош» ёки «Трабзонспор» билан ҳеч қандай келишувга эришмаган. Бу ҳақда инсайдер Фабрицио Романо X ижтимоий тармоғида хабар берди.
Манба маълумотига кўра, 27 ёшли уругвайлик футболчининг Туркияга парвози ҳам режалаштирилмаган. Нуньес ҳозирча Саудия Арабистони ва Европа клубларидан тушаётган вариантларни кўриб чиқмоқда. Айни пайтда у «Ал-Дирия»га ўтишга яқин турибди.
Нуньес «Ал-Ҳилол» сафида 2025 йил августидан буён тўп тепиб келмоқда. Унинг клуб билан шартномаси 2028 йилга қадар амал қилади. Transfermarkt портали футболчининг трансфер қийматини 20 миллион еврога баҳоламоқда.
Ўтган мавсумда Дарвин Нуньес 24 та учрашувда майдонга тушиб, 9 та гол урди ва 5 та голли узатмани амалга оширди.
