«Ал-Ҳилол» «Астон Вилла» ҳужумчиси Олли Уоткинс учун расмий таклиф юборди. Бу ҳақда инсайдер Фабрицио Романо X ижтимоий тармоғида хабар берди.

Манба маълумотига кўра, Саудия Арабистони клуби 30 ёшли англиялик футболчи учун бонусларни ҳам ҳисобга олганда 45 миллион евро таклиф қилган. Ҳозирча «Астон Вилла» трансферга розилик бермаган.

Уоткинснинг клуб билан амалдаги шартномаси 2028 йилга қадар мўлжалланган. Transfermarkt портали унинг бозор қийматини 25 миллион еврога баҳоламоқда.

Ўтган мавсумда Олли Уоткинс барча мусобақалар доирасида 55 та ўйинда майдонга тушиб, 21 та гол урди ва 5 та голли узатмани амалга оширди. 2026 йилги жаҳон чемпионатида эса у 2 та учрашувда иштирок этди.