«Al-Hilol» «Aston Villa» hujumchisi Olli Uotkins uchun rasmiy taklif yubordi. Bu haqda insayder Fabrisio Romano X ijtimoiy tarmog‘ida xabar berdi.

Manba ma’lumotiga ko‘ra, Saudiya Arabistoni klubi 30 yoshli angliyalik futbolchi uchun bonuslarni ham hisobga olganda 45 million yevro taklif qilgan. Hozircha «Aston Villa» transferga rozilik bermagan.

Uotkinsning klub bilan amaldagi shartnomasi 2028 yilga qadar mo‘ljallangan. Transfermarkt portali uning bozor qiymatini 25 million yevroga baholamoqda.

O‘tgan mavsumda Olli Uotkins barcha musobaqalar doirasida 55 ta o‘yinda maydonga tushib, 21 ta gol urdi va 5 ta golli uzatmani amalga oshirdi. 2026 yilgi jahon chempionatida esa u 2 ta uchrashuvda ishtirok etdi.