«Вест Хэм» ва Конго Демократик Республикаси миллий жамоаси ҳимоячиси Аарон Уан-Биссака «Астон Вилла» ихтиёрига етиб келди. Футболчи Бирмингем клубида тиббий кўрикдан ўтади ва жамоага ижара асосида қўшилиши кутилмоқда.
Инсайдер Фабрицио Романо маълумотига кўра, томонлар келишув шартларини бир кун аввал тўлиқ мувофиқлаштирган. Шунингдек, «Астон Вилла» яқин вақт ичида Дзион Судзуки ва Маттео Руджери трансферларини ҳам расман эълон қилиши кутилмоқда.
Ван-Биссака 2024 йилдан буён «Вест Хэм» шарафини ҳимоя қилиб келмоқда. Лондон клуби уни «Манчестер Юнайтед»дан 17,6 млн евро эвазига сотиб олган эди. Ҳимоячи «болғачилар» сафида жами 65 та учрашув ўтказиб, 2 та гол урди ва 3 та голли узатма амалга оширди.
28 ёшли футболчининг «Вест Хэм» билан амалдаги шартномаси 2031 йил 30 июнга қадар мўлжалланган. Transfermarkt маълумотига кўра, унинг бозор қиймати 15 млн еврони ташкил этади.
Уан-Биссака 2026 йилги жаҳон чемпионатида Конго ДР миллий жамоаси сафида 4 та учрашувда майдонга тушган, аммо гол ёки голли узатма билан ажралиб турмаган.
