«Барселона»нинг янги футболчиси Родри клуб афсонаси Серхио Бускетс билан таққосланаётгани ҳақида фикр билдирди.

Каталония клуби 30 ёшли ярим ҳимоячини «Манчестер Сити»дан 60 миллион еврога харид қилди. Бу суммага қўшимча бонуслар киритилмаган.

«Мен Бускетсни доимо ўрнак олиш керак бўлган буюк футболчи деб ҳисоблаганман. У билан таққосланиш мен учун катта имтиёз. Айрим жиҳатларимиз фарқ қилади, аммо ўхшаш томонларимиз ҳам бор.

Энди у билан кўришиш имкониятига эга бўламан, чунки у «Барселона»нинг иккинчи жамоасида ишламоқда», — дея Родрининг сўзларини келтиради Barca Universal.

Серхио Бускетс 2008 йилдан 2023 йилгача «Барселона»нинг асосий жамоасида тўп тепган.

У 2025 йил охирида футболчилик фаолиятини якунлаган, яқинда эса «Барселона»га мураббий сифатида қайтган.