17 август куни Ассоциация президенти Баҳодир Қурбонов томонидан имзоланган тақдимнома Лига Ижроия қўмитасига юборилган ва унда Лига бош директори лавозими учун Диёp Имомхўжаев номзоди илгари сурилган эди.
Бугун, 19 август куни Лига Ижроия қўмитасининг 8 нафар аъзоси ушбу масалани кўриб чиқди.
Йиғилишда қўмитанинг барча аъзолари иштирок этди. Одил Аҳмедов ва Алишер Юсупов Куала-Лумпурдан, Элбек Саматов эса Андижондан масофавий тарзда овоз бериш жараёнида қатнашди.
Йиғилиш якунига кўра, Ижроия қўмитасининг барча 8 нафар аъзоси Диёp Имомхўжаев номзодини бир овоздан қўллаб-қувватлаб, уни навбатдаги ваколат муддатига Лига бош директори сифатида тасдиқлади.
Шу тариқа, Диёp Имомхўжаев 2026 йил 19 августдан бошлаб яна тўрт йил давомида ЎзПФЛ бош директори лавозимида фаолиятини давом эттиради.
