17 avgust kuni Assosiasiya prezidenti Bahodir Qurbonov tomonidan imzolangan taqdimnoma Liga Ijroiya qo‘mitasiga yuborilgan va unda Liga bosh direktori lavozimi uchun Diyor Imomxo‘jayev nomzodi ilgari surilgan edi.
Bugun, 19 avgust kuni Liga Ijroiya qo‘mitasining 8 nafar a’zosi ushbu masalani ko‘rib chiqdi.
Yig‘ilishda qo‘mitaning barcha a’zolari ishtirok etdi. Odil Ahmedov va Alisher Yusupov Kuala-Lumpurdan, Elbek Samatov esa Andijondan masofaviy tarzda ovoz berish jarayonida qatnashdi.
Yig‘ilish yakuniga ko‘ra, Ijroiya qo‘mitasining barcha 8 nafar a’zosi Diyor Imomxo‘jayev nomzodini bir ovozdan qo‘llab-quvvatlab, uni navbatdagi vakolat muddatiga Liga bosh direktori sifatida tasdiqladi.
Shu tariqa, Diyor Imomxo‘jayev 2026 yil 19 avgustdan boshlab yana to‘rt yil davomida O‘zPFL bosh direktori lavozimida faoliyatini davom ettiradi.
