Ярим ҳимоячи Тижани Рейндерс "Манчестер Сити"дан Саудия Арабистонининг "Ал-Қодисия" клубига ўтди. Саудия клуби ижтимоий тармоқларда 28 ёшли футболчи иштирок этган видеони эълон қилди.
Ҳозирча Рейндерснинг янги клуби билан имзолаган шартномаси муддати ошкор этилмаган. Битим тафсилотлари расмий эълон қилингач маълум бўлиши кутилмоқда.
Аввалроқ матбуотда Тижани Рейндерс "Ал-Қодисия"да 100 миллион евродан ортиқ маблағ ишлаб топиши мумкинлиги ҳақида хабарлар тарқалган эди.
"Ал-Қодисия"ни "Ливерпуль"нинг собиқ бош мураббийи Брендан Рожерс бошқармоқда. Жамоа Саудия Арабистони чемпионатини "Ал-Шабаб" устидан 3:1 ҳисобидаги ғалаба билан бошлади.
21 август, жума куни "Ал-Қодисия" ўз майдонида "Ал-Иттиҳод"ни қабул қилади.
