"Расинг" клубининг чап қанот ҳимоячиси Хорхе Салинас Мадриднинг "Атлетико" клубига ўтиши мумкин.
19 ёшли футболчига "Манчестер Юнайтед" ҳам қизиқиш билдирмоқда. Transfer News Live нашри TEAMtalk маълумотларига таяниб хабар беришича, "матрасчилар" "қизил иблислар"нинг испаниялик футболчига қизиқишидан хабардор, аммо истиқболли ҳимоячини ўз сафига қўшиб олишга қатъий бел боғлаган. Мадрид клуби трансферни амалга ошириш бўйича фаол иш олиб бормоқда.
Хорхе Салинаснинг шартномасида 16 миллион евро миқдорида товон пули кўрсатилган. Ёш латераль "Расинг"нинг асосий жамоаси сафида 38 та учрашувда майдонга тушган. Унинг ушбу мавсум бошланганидан кейинги Ла Лигадаги битта ўйини ҳам шу статистикага киритилган. Салинас бу учрашувларда 7 та голли узатма амалга оширган.
"Манчестер Юнайтед" аввалроқ Салинас учун 16 миллион евролик товон пулини тўлашга тайёр экани ҳақида хабарлар тарқалган эди.
