"Барселона" ҳимоячиси Эрик Гарсия жамоага янги ҳужумчи келиши мумкинлиги ҳақида фикр билдирди.
"Кўк-анорранглилар" бош мураббийи Ханс-Дитер Флик трансфер ойнаси ёпилгунига қадар ҳужум чизиғини кучайтиришга умид қилаётганини айтган эди.
"Ҳаммаси спорт директорининг қарорига боғлиқ бўлади. Аммо менимча, ҳозир ҳам ҳужумда яхши вариантларимиз бор: Гордон, Адейеми, Рафинья, Ямал ва Абдулкарим — уларнинг барчаси ҳужумчи позициясида ўйнай олади", — дея Гарсиянинг сўзларини келтиради Barca Universal.
Чоршанба куни "Барселона" Жоан Гампер кубоги доирасида Мисрнинг "Ал-Аҳли" клубини 2:1 ҳисобида мағлуб этди. Бу каталонияликларнинг мавсумолди тайёргарлигидаги сўнгги ўйини бўлди. Якшанба куни "Барселона" Ла Лига доирасида "Эльче"га қарши майдонга тушади.
