«Кристал Пэлас» ҳужумчиси Исмаила Сарр катта эҳтимол билан «Галатасарой»га ўтмайди.

Журналист Экрем Конурнинг маълумотига кўра, «бургутлар» Туркия клубининг 30 миллион евролик таклифига рад жавобини беришган. «Кристал Пэлас» сенегаллик футболчини жамоа лойиҳасининг муҳим қисми деб ҳисоблайди ва уни сақлаб қолмоқчи. Бироқ Саррнинг ўзи «Галатасарой»га ўтиш вариантига қарши эмаслиги таъкидланмоқда.

Шунингдек, «Манчестер Юнайтед» ва Лондоннинг «Арсенал» клублари ҳам 28 ёшли ҳужумчининг вазиятини кузатишда давом этмоқда.

2025/26 йилги мавсумда Сарр барча мусобақаларда 45 та ўйинда майдонга тушиб, 21 та гол урди ва 2 та голли узатмага муаллифлик қилди.