«Kristal Pelas» hujumchisi Ismaila Sarr katta ehtimol bilan «Galatasaroy»ga o‘tmaydi.
Jurnalist Ekrem Konurning ma’lumotiga ko‘ra, «burgutlar» Turkiya klubining 30 million yevrolik taklifiga rad javobini berishgan. «Kristal Pelas» senegallik futbolchini jamoa loyihasining muhim qismi deb hisoblaydi va uni saqlab qolmoqchi. Biroq Sarrning o‘zi «Galatasaroy»ga o‘tish variantiga qarshi emasligi ta’kidlanmoqda.
Shuningdek, «Manchester Yunayted» va Londonning «Arsenal» klublari ham 28 yoshli hujumchining vaziyatini kuzatishda davom etmoqda.
2025/26 yilgi mavsumda Sarr barcha musobaqalarda 45 ta o‘yinda maydonga tushib, 21 ta gol urdi va 2 ta golli uzatmaga mualliflik qildi.
