Амстердамнинг «Аякс» клуби Ноа Лангни ўз сафига қўшиб олиш ғоясидан бутунлай воз кечди. Айни пайтда футболчининг келажаги учун энг реал вариант «Аталанта» бўлиб турибди. Бу ҳақда трансферлар бўйича таниқли италиялик журналист Жанлука Ди Марцио хабар берди.

Манба маълумотига кўра, «Наполи» трансфер бозорида Лангнинг эҳтимолий кетиши билан боғлиқ масала устида ишлашда давом этмоқда. Бергамоликлар эса футболчига энг жиддий қизиқиш билдираётган клуб ҳисобланади.

«Наполи» учун трансфер бозорида Ноа Лангнинг эҳтимолий кетиши асосий масалалардан бири бўлиб қолмоқда. «Аякс» курашдан чиқди. Шунга қарамай, футболчи ҳали ҳам «Аталанта»нинг диққат марказида. Бергамоликлар клуби Лангнинг келажаги учун энг реал вариант бўлиб турибди», — деди Ди Марцио.

Аввалроқ Лангнинг «Галатасарой»га ўтиш варианти ҳам мавжуд эди. Бироқ хабарларга кўра, турк клуби Алексей Батраков трансфери устида иш олиб бораётгани сабаб Лангга бўлган қизиқишидан ҳам воз кечган.