«Милан»нинг янги футболчиси Диего Морейра клуб тарихидаги иккинчи энг қиммат трансферга айланди.

Transfermarkt маълумотига кўра, «россонери» бельгиялик вингер учун «Страсбур»га бонусларни ҳисобга олмаганда 50 миллион евро тўлаган.

«Милан»нинг трансфер рекорди ҳам шу ёзда янгиланган эди. Италия клуби «ПСЖ»дан ҳужумчи Гонсалу Рамушни 74 миллион евро эвазига сотиб олди.

Бунга қадар «Милан» тарихидаги энг қиммат харид Рафаэл Леау ҳисобланарди. Португалиялик вингер 2019 йилда «Лилль»дан 49,5 миллион еврога олиб келинган. Морейранинг трансферидан сўнг Леау ушбу рўйхатда учинчи ўринга тушди.

«Милан» тарихидаги энг қиммат беш трансфер:

1. Гонсалу Рамуш — 74 млн евро (2026)
2. Диего Морейра — 50 млн евро (2026)
3. Рафаэл Леау — 49,5 млн евро (2019)
4. Леонардо Бонуччи — 42 млн евро (2017)
5. Руй Кошта — 41,3 млн евро (2001)

Эслатиб ўтамиз, июнь ойида Рубен Аморим «Милан» бош мураббийи этиб тайинланган эди.