29 ёшли испаниялик ўнг қанот ҳимоячиси Пабло Маффео «Валенсия» аъзосига айланди. Испания клуби футболчини «Олимпиакос»дан сотиб олиш ҳуқуқи билан ижарага олганини эълон қилди.

Журналист Начо Санчиснинг хабар беришича, мадридликлар ва валенсияликлар ўртасидаги келишувга кўра, футболчини тўлиқ сотиб олиш «Валенсия»га 3 миллион еврога тушади.

Диққатга сазовор томони, Маффео грек клубига атиги 6 ҳафта олдин «Мальорка»дан кўчиб ўтган эди, бироқ мослашишдаги қийинчиликлар сабабли қайтадан Ла Лигага қайтишга қарор қилди. Ўтган мавсумда у «Мальорка» таркибида Ла Лигада 31 та ўйинда майдонга тушиб, 1 та гол урди, 2 та голли узатма берди ва 11 та сариқ карточка олди.