Лондоннинг "Арсенал" клуби бош мураббийи Микель Артета Англия Премьер-лигасининг янги мавсуми олдидан жамоасининг имкониятларига баҳо берди.

Жума куни "канонирлар" Премьер-лига 1-тури доирасида ўз майдонида "Ковентри"ни қабул қилади. Матбуот анжуманида испаниялик мутахассисдан "Арсенал" ҳозирги таркиб билан чемпионатда устунлик қила оладими, деб сўрашди.

"Биз буни жуда хоҳлаймиз — бунга ҳаётимни тикиб кафолат беришим мумкин. Мақсадимизга эришиш учун қўлимиздан келган барча ишни қиламиз. Аммо буни амалда исботлашимиз керак. Нафақат майдонда, балки унинг ташқарисида юзага келадиган турли қийинчиликларни енгиб ўтишда ҳам", — деди Артета.

"Арсенал" ўтган мавсумда 22 йиллик танаффусдан сўнг Англия Премьер-лигаси чемпиони бўлган эди. Энди Артета шогирдлари чемпионлик унвонини ҳимоя қилиш ва лигада етакчиликни давом эттиришни мақсад қилган.