Londonning "Arsenal" klubi bosh murabbiyi Mikel Arteta Angliya Premyer-ligasining yangi mavsumi oldidan jamoasining imkoniyatlariga baho berdi.
Juma kuni "kanonirlar" Premyer-liga 1-turi doirasida o‘z maydonida "Koventri"ni qabul qiladi. Matbuot anjumanida ispaniyalik mutaxassisdan "Arsenal" hozirgi tarkib bilan chempionatda ustunlik qila oladimi, deb so‘rashdi.
"Biz buni juda xohlaymiz — bunga hayotimni tikib kafolat berishim mumkin. Maqsadimizga erishish uchun qo‘limizdan kelgan barcha ishni qilamiz. Ammo buni amalda isbotlashimiz kerak. Nafaqat maydonda, balki uning tashqarisida yuzaga keladigan turli qiyinchiliklarni yengib o‘tishda ham", — dedi Arteta.
"Arsenal" o‘tgan mavsumda 22 yillik tanaffusdan so‘ng Angliya Premyer-ligasi chempioni bo‘lgan edi. Endi Arteta shogirdlari chempionlik unvonini himoya qilish va ligada yetakchilikni davom ettirishni maqsad qilgan.
