Франция терма жамоасининг собиқ ҳимоячиси Патрис Эвра Жозе Моуриньо "Реал"га қайтганидан кейин Мадрид клубининг янги мавсумдаги имкониятлари ҳақида фикр билдирди.
Португалиялик мутахассис ёз бошида Альваро Арбелоа ўрнини эгаллаб, "Реал" бош мураббийига айланди. "Қироллик клуби" ўтган мавсумни бирорта ҳам совринсиз якунлаган эди.
"Реал" Ла Лигани ютадими? Моуриньо ниманидир ўзгартириши керак. Бу билан баҳслашиб бўлмайди. Мен бунга ишонаман. Барча трансферлар ғалаба қозониш учун амалга оширилди. Жозе — ғолиб", — деди Эвра.
"Реал" сўнгги марта 2024 йилда Испания чемпионлигини қўлга киритган. Шанба куни мадридликлар Ла Лиганинг биринчи турида сафарда "Эспаньол"га қарши майдонга тушади.
