"Галатасарой" "Тоттенхэм" ярим ҳимоячиси Пап Матар Сарр трансфери бўйича Лондон клубига илк расмий таклифини юборди.
Туркия клуби 23 ёшли сенегаллик футболчи учун 18 миллион евро таклиф қилди, аммо "Тоттенхэм" бу таклифни рад этди.
Маълумотларга кўра, лондонликлар Саррни сотиш имкониятини кўриб чиқишга тайёр. Бироқ клуб футболчи учун камида 25 миллион евро талаб қилмоқда.
Айни пайтда "Галатасарой" Саррнинг ўзи билан шахсий шартнома шартлари бўйича музокараларда олдинга силжиган. Ҳозирги босқичда футболчи билан келишувга эришиш борасида жиддий тўсиқлар йўқ.
Сарр 2022 йилдан буён "Тоттенхэм" шарафини ҳимоя қилиб келмоқда. Унинг Лондон клуби билан амалдаги шартномаси 2030 йил ёзига қадар мўлжалланган.
Сенегаллик ярим ҳимоячи ўтган мавсумда барча мусобақалар доирасида 37 та учрашувда майдонга тушиб, 2 та гол урди ва 4 та голли узатмани амалга оширди.
