"Барселона" "Фенербахче" дарвозабони Доминик Ливаковични трансфер қилиш бўйича турк клуби билан келишувга эришди.
Sport нашри маълумотига кўра, "Фенербахче" каталонияликларнинг таклифини қабул қилган. Энди томонлар зарур ҳужжатларни расмийлаштириб, трансферни якунлаши керак. Сўнгги маълумотларга кўра, келишув 2 миллион евро кафолатланган тўлов ва яна 2 миллион евро бонусларни ўз ичига олади.
Бироқ 31 ёшли хорватиялик дарвозабон трансфер амалга ошиши билан "Барселона" сафида ўйнай бошламайди. Каталония клуби уни бир мавсумга ижарага беришни ва 2027 йил ёзида жамоага қайтаришни режалаштирмоқда.
"Барселона" Ливаковични келажакда Войцех Шченснининг ўрнини эгаллаши мумкин бўлган дарвозабон сифатида кўрмоқда. Режага кўра, хорватиялик футболчи Жоан Гарсия билан бирга жамоанинг дарвозабонлар чизиғини шакллантиради.
