«Манчестер Сити» бош мураббийи Энцо Мареска жамоа вингери Жереми Докунинг жароҳати ҳақида маълумот берди.

Бельгиялик футболчи «Арсенал»га қарши Англия Суперкубоги баҳсида биринчи бўлимдан сўнг алмаштирилганди. Маресканинг айтишича, Доку болдир мушагида оғриқ ҳис қилган.

«Афсуски, ўтган ўйинда у болдир мушагида енгил оғриқ борлигини айтди. Ҳар қандай ҳолатда ҳам уни 45 дақиқа ўйнатишни режалаштиргандик. Шунинг учун танаффусдаги алмаштириш аввалдан режалаштирилган эди.

Ҳозирги ҳолатга кўра, Доку икки ёки уч ҳафтани ўтказиб юборади. Бундан кўп эмас», — деди Мареска.

Шу тариқа, 24 ёшли вингер «Манчестер Сити»нинг янги мавсумдаги дастлабки учрашувларида жамоага ёрдам бера олмайди.

«Манчестер Сити» Англия Премьер-лигасининг 1-турида 23 август куни ўз майдонида «Борнмут»ни қабул қилади.