«Manchester Siti» bosh murabbiyi Enso Mareska jamoa vingeri Jeremi Dokuning jarohati haqida ma’lumot berdi.

Belgiyalik futbolchi «Arsenal»ga qarshi Angliya Superkubogi bahsida birinchi bo‘limdan so‘ng almashtirilgandi. Mareskaning aytishicha, Doku boldir mushagida og‘riq his qilgan.

«Afsuski, o‘tgan o‘yinda u boldir mushagida yengil og‘riq borligini aytdi. Har qanday holatda ham uni 45 daqiqa o‘ynatishni rejalashtirgandik. Shuning uchun tanaffusdagi almashtirish avvaldan rejalashtirilgan edi.

Hozirgi holatga ko‘ra, Doku ikki yoki uch haftani o‘tkazib yuboradi. Bundan ko‘p emas», — dedi Mareska.

Shu tariqa, 24 yoshli vinger «Manchester Siti»ning yangi mavsumdagi dastlabki uchrashuvlarida jamoaga yordam bera olmaydi.

«Manchester Siti» Angliya Premyer-ligasining 1-turida 23 avgust kuni o‘z maydonida «Bornmut»ni qabul qiladi.