Жаҳон чемпионати вақтида анча шов-шувга сабаб бўлган ҳамда оғзини қўли билан тўсган футболчиларни жазолашни кўзда тутган қоида Англия Премьер-лигасида қўлланилмайдиган бўлди.
Эслатиб ўтамиз, Жаҳон чемпионатида худди шундай вазият учун бир йўла икки футболчи — парагвайлик Мигель Альмирон ҳамда эквадорлик Пьеро Инкапье майдондан четлатилган эди. Жуд Беллингем эса, аксинча, Ганага қарши ўйинда жазоланмаган — ҳакам майдондаги вазиятни низоли эмас деб топган эди.
Шунга ўхшаш шов-шувли эпизод ўтган Чемпионлар лигасининг февраль ойидаги «Бенфика» ва «Реал» ўртасидаги ўйинида ҳам юз берган эди. Ўшанда лиссабонликларнинг ҳимоячиси Жанлука Престиани Винисиус билан тортишувда кафтини оғзига қўйган, шундан сўнг у гомофобияда айбланиб дисквалификация қилинган эди.
