Лондоннинг «Тоттенхэм Хотспур» клуби «Манчестер Сити» ҳужумчиси Омар Мармуш билан шахсий шартнома шартлари бўйича тўлиқ келишувга эришди.

Журналист Флориан Плеттенбергнинг X тармоғидаги саҳифасида хабар беришича, икки клуб ўртасидаги музокаралар давом этмоқда ва яқин орада якунланиши кутилмоқда.

Ўтган мавсумда 27 ёшли мисрлик ҳужумчи «шаҳарликлар» таркибида барча турнирларда 36 та ўйинда майдонга тушиб, 8 та гол урди ва 3 та голли узатмага муаллифлик қилди. Унинг «Манчестер Сити» билан амалдаги шартномаси 2029 йилнинг 30 июнигача мўлжалланган. Transfermarkt порталига кўра, футболчининг бозор қиймати 50 миллион еврони ташкил қилади.