«Фенербахче»нинг 25 ёшли нидерландиялик ҳимоячиси Жейден Остервольде Римнинг «Рома» клуби нишонига тушди.
Италия клуби футболчини кейинчалик 15 миллион еврога сотиб олиш ҳуқуқи билан ижарага олиш истагини билдирган ва Туркия клубига тегишли таклифни юборган.
Остервольде 2023 йилнинг январидан бери «Фенербахче» шарафини ҳимоя қилиб келмоқда. Ушбу давр мобайнида у жамоа таркибида барча мусобақаларда 112 та ўйинда майдонга тушиб, 3 та гол урган, 1 та голли узатмага муаллифлик қилган ҳамда 39 та сариқ карточка олган.
