Лондоннинг «Арсенал» клуби бош мураббийи Микель Артета Премьер-лигада жамоа сафида дебют қилган вингер Христос Цолиснинг ўйини ҳақида фикр билдирди.

24 ёшли футболчи Премьер-лиганинг биринчи турида «Ковентри» устидан 3:0 ҳисобидаги ғалабада «канонирлар»га ёрдам берди. Грециялик футболчи учрашувда 76 дақиқа ҳаракат қилди ва шундан сўнг алмаштирилди.

«Жамоамиз билан атиги бир неча ҳафтадан бери бирга ишлаётган футболчининг тўпни қабул қилиб олганида шунчалик катта энергия билан ҳаракат қилиши менга ёқди.

Цолис сўнгги учрашувларда ўзини феноменал даражада намойиш этди. У жуда тўғри ва кескин ҳаракат қилади, доимо ҳужумни кучайтиришга интилади, рақиб жарима майдони яқинида эса ҳаракатлари ниҳоятда хилма-хил. У чекланган ҳудудда ҳам тўғри қарор қабул қила олади. Унинг ўйини менда жуда катта таассурот қолдирди», — деди Артета.