«Астон Вилла» ярим ҳимоячи Леон Горецкани ўз сафига қўшиб олиш борасида иш олиб бормоқда.

Трансфер инсайдери Фабрицио Романо маълумотига кўра, 31 ёшли германиялик футболчи «Астон Вилла» бош мураббийи Унаи Эмери билан музокара ўтказган. Ушбу суҳбат футболчининг Бирмингем клубига эҳтимолий ўтиши йўлида муҳим қадам бўлган. Яқин вақт ичида Горецка «Астон Вилла»га якуний жавобини бериши кутилмоқда.

Германиялик футболчи ҳозирда эркин агент мақомида. У «Бавария» билан шартномаси якунланганидан сўнг Мюнхен клубини тарк этди. Горецка саккиз йил давомида «Бавария» шарафини ҳимоя қилди. У клуб билан етти марта Бундеслигада ғолиб чиққан ва 2019/20 йилги мавсумда Чемпионлар лигаси бош совринини қўлга киритган.