Карим Адейеми "Барселона" сафидаги илк расмий учрашувидаёқ гол уришга муваффақ бўлди.
Германиялик ҳужумчи Ла Лига доирасида "Эльче"га қарши кечган баҳснинг биринчи бўлимига қўшиб берилган вақтда рақиб дарвозасини ишғол қилди. Голга Рафинья ассистентлик қилди.
Ушбу учрашув Адейеми учун каталонияликлар сафидаги расмий дебют бўлди. У мавсумолди тайёргарлигида ҳам "Барселона" учун гол уришга улгурганди — "Базель"га қарши ўртоқлик учрашувида ўз ҳисобини очган.
24 ёшли футболчи ёзги трансферлар ойнасида Дортмунднинг "Боруссия" клубидан "Барселона"га кўчиб ўтди. Трансфер қиймати 22 миллион еврони ташкил этган бўлиб, бонуслар ҳисобига яна 7 миллион евро қўшилиши мумкин.
