"Бавария" футболчиси Брайан Сарагоса яна Ла Лигага қайтади. 24 ёшли вингерни ўз сафига қўшиб олиш бўйича келишувни "Эспаньол" якунламоқда. "Тўтиқушлар" испаниялик футболчини сотиб олиш имконияти билан ижарага олади, дея хабар берди инсайдер Фабрицио Романо. Футболчининг ўзи ҳам трансферга розилик берган.

Брайан Сарагоса ўтган мавсумнинг биринчи ярмини "Сельта"да ижара асосида ўтказди, мавсумнинг иккинчи қисмида эса Италиянинг "Рома" клубида ҳам ижара асосида тўп тепди. Футболчининг "Бавария" билан амалдаги шартномаси 2029 йилнинг ўрталарига қадар мўлжалланган. Transfermarkt портали унинг трансфер қийматини 8 миллион еврога баҳоламоқда.

"Эспаньол" Ла Лигадаги мавсумни "Леванте" устидан 3:0 ҳисобидаги ғалаба ва Мадриднинг "Реал" клубига қарши 1:2 ҳисобидаги мағлубият билан бошлади.