Мадриднинг "Атлетико" клуби дарвозабони Ян Облак жамоадоши Хулиан Альварес билан боғлиқ вазият ҳақида фикр билдирди.
"Матрасчилар" мухлислари "Вильярреал"га қарши ўйин олдидан аргентиналик ҳужумчини ҳуштакбозлик билан қарши олди — бунга футболчининг клубни тарк этиш истагини очиқ билдиргани сабаб бўлди. Маълумки, Альварес фаолиятини "Барселона"да давом эттиришни истайди, аммо "Атлетико" раҳбарияти уни каталонияликларга сотишдан бош тортмоқда.
"Биз бирдам бўлиб қолишимиз керак. Хулиан биз билан қолмоқда ва у шу ерда экан, биз уни қўллаб-қувватлаймиз. Бу ҳеч ким учун қулай вазият эмас. Умид қиламанки, ҳаммаси ҳал бўлади ва бутун мавсум давомида бирдам бўламиз", — дея Облакнинг сўзларини келтиради The Touchline.
"Атлетико" ва "Вильярреал" ўртасидаги учрашув 2:2 ҳисобидаги дуранг билан якунланди. Альварес 66-дақиқада захирадан майдонга тушди.
