«Ливерпуль» Англия Премьер-лигасида «Ньюкасл»га қарши учрашувда мағлубиятдан қийинчилик билан қутулиб қолди. Мерсисайдликлар баҳснинг сўнгги дақиқаларида пенальти тепиш ҳуқуқини қўлга киритди.
Доминик Собослаи 11 метрлик жарима зарбасини аниқ амалга ошириб, жамоасига муҳим голни тақдим этди. Венгриялик футболчи тўпни ўйиннинг 98-дақиқасию 6-сониясида дарвозага киритди.
Шу тариқа, Собослаи «Ливерпуль»нинг сўнгги 15 йилдан ортиқ вақт ичида Премьер-лига ўйинида пенальтидан урган энг кечки голи муаллифи бўлди.
Бундан ҳам кечроқ пенальтидан гол уриш ҳолати 2011 йил апрелида қайд этилган. Ўшанда Дирк Кейт «Арсенал»га қарши учрашувнинг 101-дақиқасию 48-сониясида 11 метрлик зарбани голга айлантирган.
«Ливерпуль» Англия чемпионатининг кейинги турида 29 август куни ўз майдонида «Ноттингем Форест»ни қабул қилади.
Эслатиб ўтамиз, мерсисайдликлар сўнгги бор 2025 йилда Англия чемпиони бўлган.
