«Барселона» футболчиси Рафинья Диас Ла Лиганинг «Элче»га қарши учрашувидан (5:0) сўнг журналистларга ўз фикрларини билдирди.

Бразилиялик вингер 14-дақиқада пенальтини аниқ амалга ошириб, ҳисобни очди. 67-дақиқада эса яна бир бор рақиб дарвозасини ишғол қилиб, дубль қайд этди. Шунингдек, Фермин Лопес ҳам иккита гол урди, Карим Адейеми эса бир бор ўз номини таблога ёздириб қўйди.

«Ўйин осон ёки қийин кечиши ўзимизга боғлиқ. Агар биз максимал даражамизда ўйнасак, катта эҳтимол билан ғалаба бизники бўлади. Бугун жуда қийин бўлди, аммо ўз вазифамизни яхши бажардик», — деди Рафинья.

«Кўк-анорранглилар» Испания чемпионатидаги навбатдаги учрашувини 27 август, пайшанба куни ўтказади. «Барселона» ўз майдонида Бильбаонинг «Атлетик» клубига қарши баҳс олиб боради.