The i Paper нашрининг маълумот қилишича, лондонликлар 23 ёшли футболчи учун 72 миллиондан 79 миллион еврогача бўлган маблағ таклиф қилган, бироқ «Борнмут» бу таклифларнинг барчасини рад этган.

Клуб ушбу трансфер ойнасида Скоттни сотишни ният қилмаган. «Борнмут» раҳбарияти аллақачон барча футболчилар, агентлар ва даъвогар клубларга ўзларининг асосий ўйинчилари дахлсиз эканини маълум қилган.

Жамоа бош мураббийи Марко Розенинг Европа лигасидаги дебют мавсуми олдидан имконият қадар кучли таркибни сақлаб қолиш мақсадида клуб Скотт ва Эли Жуниор Крупини бошқа жамоаларга қўйиб юбормоқчи эмас.