«Валенсия» клуби «Ипсвич» дарвозабони Кейн ван Увеленни ижарага олганини маълум қилди. Ижара шартномаси 2027 йилнинг 30 июнига қадар амал қилади.

23 ёшли нидерландиялик голкипер 2026 йил июль ойида «Волендам»дан «Ипсвич» сафига келиб қўшилганди.

У 2025/26 йилги мавсумда 33 та учрашувда майдонга тушиб, ўз дарвозасидан 52 та гол ўтказиб юборган. Шунингдек, 3 та баҳсда дарвозаси дахлсизлигини сақлаб қолган.

Дарвозабоннинг «Ипсвич» билан амалдаги шартномаси 2031 йилнинг 30 июнига қадар мўлжалланган.

Transfermarkt портали Кейн ван Увеленнинг трансфер қийматини 2 миллион еврога баҳоламоқда.