"Челси" ҳужумчиси Николас Жексон фаолиятини "Астон Вилла"да давом эттириши мумкин.
Foot Mercato журналисти Санти Ауна маълумотига кўра, Бирмингем клуби сенегаллик форвард трансфери учун бонусларни ҳам ҳисобга олганда тахминан 70 миллион евро таклиф қилган. Лондон клуби мазкур таклифни қабул қилишга яқин турибди.
Энди "Астон Вилла" Жексоннинг ўзи билан шахсий шартнома шартлари бўйича келишувга эришиши керак.
Шу билан бирга, "Астон Вилла" "Кристал Пэлас" ҳужумчиси Жан-Филипп Матета учун ҳам 22 миллион евро таклиф қилган. Бироқ "Кристал Пэлас" бу таклифни рад этган.
