Кристьян Аслани «Интер»дан БААнинг «Ал-Жазира» клубига ўтиши мумкин.

Фабрицио Романонинг маълумотига кўра, клублар 24 ёшли албан ярим ҳимоячиси бўйича музокара олиб бормоқда.

«Ал-Жазира» Асланини ижарага олишни таклиф қилган. Ижара пули 2 миллион еврони ташкил қилиши, шартномага эса 6,5 миллион евролик сотиб олиш банди киритилиши кутилмоқда. Айрим шартлар бажарилган тақдирда ушбу банд мажбурий бўлади.

Аслани БАА клубига ўтишга рози экани хабар қилинган, айни пайтда томонлар футболчининг шахсий шартномаси бўйича келишувга эришиш устида ишламоқда. Шу билан бирга, «Интер» футболчини ижарага беришдан кўра, уни тўлиқ сотишни маъқул кўрмоқда. 

Аслани 2025/26 йилги мавсумни аввал «Торино», кейин эса «Бешиктош»да ижара асосида ўтказди. «Бешиктош» сафида у 33 та учрашувда 2 та гол ва 2 та голли узатма қайд этди.