«Барселона» вингери Ламин Ямал жамоадоши Алехандро Бальденинг клубдаги ҳозирги ҳолатидан хавотирда.

22 ёшли чап қанот ҳимоячиси трансфер ойнасининг сўнгги кунларида сотилиши мумкин. Жамоа бош мураббийи Ханс-Дитер Флик ҳатто Бальдени Ла Лиганинг «Эльче»га қарши яқиндаги учрашуви қайдномасига киритмаган эди.

Флик бу қарорини футболчи айни пайтда бутун эътиборини футболга қарата олмаётгани билан изоҳлаган.

Sport нашри маълумотига кўра, Ямал юзага келган вазиятдан норози. Ламинга клубнинг унинг яқин дўсти Бальдега бўлган муносабати унчалик ёқмаяпти.

Алехандро Бальдега «Манчестер Юнайтед» қизиқиш билдираётгани айтилмоқда. Испаниялик футболчининг «Барселона» билан шартномаси 2028 йил ёзига қадар амал қилади.

Transfermarkt портали унинг бозор қийматини 50 миллион евро деб баҳоламоқда.