«Ливерпуль»нинг собиқ ҳимоячиси, ҳозирда эса телеэкперт сифатида фаолият юритаётган Джейми Каррагер Мадриднинг «Реал» клуби собиқ бош мураббийи, ҳозирги «Челси» устози Хаби Алонсонинг истеъфоси ҳақида фикр билдирди.

«Бутунлай очиқ айтадиган бўлсак, Алонсо ўз ишини Винисиус туфайли йўқотди. У вазиятдан норози эди. Бошлиқлар билан суҳбат бўлиб ўтди ва ундан кейин клуб футболчини қўллаб-қувватлади. Хаби истеъфога чиқарилди, унинг ўрнини эса Арбелоа эгаллади», - дея Каррагернинг сўзларини келтиради Sky Sports.

Эслатиб ўтамиз, Алонсо июль ойида «Челси» бош мураббийи лавозимини эгаллаган эди. 44 ёшли испаниялик мутахассис «аристократлар» билан 2030 йилнинг июнь ойи охирига қадар мўлжалланган узоқ муддатли меҳнат шартномасини имзолаган.