"Ювентус" дарвозабони Маттиа Перин фаолиятини Италиянинг бошқа клуби — "Палермо"да давом эттиради. Томонлар трансфернинг асосий шартлари бўйича келишувга эришган.
Инсайдер Жанлука Ди Марцио маълумотига кўра, Сицилия клуби яқин вақт ичида тажрибали голкипер билан шартнома имзолайди.
Трансфер қиймати тахминан 500 минг еврони ташкил этади. 33 ёшли Периннинг "Палермо" билан шартномаси уч йилга мўлжалланиши кутилмоқда.
Эслатиб ўтамиз, Маттиа Перин "Ювентус" сафига 2018 йилда қўшилган эди.
"Палермо" жорий мавсумда Италия B Сериясида иштирок этмоқда. Жамоа чемпионатнинг дастлабки турида ўз майдонида "Юве Стабия"ни 1:0 ҳисобида мағлуб этди.
