"Yuventus" darvozaboni Mattia Perin faoliyatini Italiyaning boshqa klubi — "Palermo"da davom ettiradi. Tomonlar transferning asosiy shartlari bo‘yicha kelishuvga erishgan.
Insayder Janluka Di Marsio ma’lumotiga ko‘ra, Sisiliya klubi yaqin vaqt ichida tajribali golkiper bilan shartnoma imzolaydi.
Transfer qiymati taxminan 500 ming yevroni tashkil etadi. 33 yoshli Perinning "Palermo" bilan shartnomasi uch yilga mo‘ljallanishi kutilmoqda.
Eslatib o‘tamiz, Mattia Perin "Yuventus" safiga 2018 yilda qo‘shilgan edi.
"Palermo" joriy mavsumda Italiya B Seriyasida ishtirok etmoqda. Jamoa chempionatning dastlabki turida o‘z maydonida "Yuve Stabiya"ni 1:0 hisobida mag‘lub etdi.
