Суперлиганинг 19-турида «Машъал» ўз майдонида «Навбаҳор»ни қабул қилади.

Жамоалар шу кунга қадар ўзаро 41 марта тўқнаш келган ва ғалабалар сони бўйича мутлақ тенглик қайд этилган. «Машъал» ҳам, «Навбаҳор» ҳам 16 тадан учрашувда зафар қучган. Яна 9 та баҳс дуранг натижа билан якунланган.

Голлар нисбатида эса наманганликлар устунликка эга. «Машъал» ўзаро баҳсларда рақиб дарвозасини 48 марта ишғол қилган бўлса, «Навбаҳор» 56 та гол урган.

Жамоалар ўртасидаги учрашувларда «Машъал»нинг энг йирик ғалабаси 5:0 ҳисобида қайд этилган. «Навбаҳор» эса рақибини энг йирик ҳисобда 8:0 натижаси билан мағлуб этган.

Ўзаро ўйинлар статистикаси:

«Машъал» — «Навбаҳор»
Ўйинлар — 41 та
«Машъал» ғалабалари — 16 та
«Навбаҳор» ғалабалари — 16 та
Дуранглар — 9 та
Голлар — 48:56
Энг йирик ғалабалар — 5:0 ва 0:8

Навбатдаги учрашув 26 август куни соат 19:00 да Ғузор марказий стадионида бўлиб ўтади. Баҳс Futbol TV телеканали орқали намойиш этилади.