Superliganing 19-turida «Mash’al» o‘z maydonida «Navbahor»ni qabul qiladi.
Jamoalar shu kunga qadar o‘zaro 41 marta to‘qnash kelgan va g‘alabalar soni bo‘yicha mutlaq tenglik qayd etilgan. «Mash’al» ham, «Navbahor» ham 16 tadan uchrashuvda zafar quchgan. Yana 9 ta bahs durang natija bilan yakunlangan.
Gollar nisbatida esa namanganliklar ustunlikka ega. «Mash’al» o‘zaro bahslarda raqib darvozasini 48 marta ishg‘ol qilgan bo‘lsa, «Navbahor» 56 ta gol urgan.
Jamoalar o‘rtasidagi uchrashuvlarda «Mash’al»ning eng yirik g‘alabasi 5:0 hisobida qayd etilgan. «Navbahor» esa raqibini eng yirik hisobda 8:0 natijasi bilan mag‘lub etgan.
O‘zaro o‘yinlar statistikasi:
«Mash’al» — «Navbahor»
O‘yinlar — 41 ta
«Mash’al» g‘alabalari — 16 ta
«Navbahor» g‘alabalari — 16 ta
Duranglar — 9 ta
Gollar — 48:56
Eng yirik g‘alabalar — 5:0 va 0:8
Navbatdagi uchrashuv 26 avgust kuni soat 19:00 da G‘uzor markaziy stadionida bo‘lib o‘tadi. Bahs Futbol TV telekanali orqali namoyish etiladi.
