Хорватиялик дарвозабон Доминик Ливакович "Барселона"да тиббий кўрикдан муваффақиятли ўтди. Энди каталонияликлар унинг трансферини расман эълон қилиши кутилмоқда.
Маълумотларга кўра, "Барселона" 31 ёшли футболчи учун "Фенербахче"га 2 млн евро тўлайди, яна 2 млн евро бонуслар кўринишида кўзда тутилган. Ливакович билан 2030 йилгача шартнома имзоланиши режалаштирилган.
Айни пайтда дарвозабоннинг жорий мавсумда "Барселона"да қолиши ёки ижарага берилиши борасида якуний қарор қабул қилинмаган. Каталония клуби уни Жоан Гарсия учун рақобатчи сифатида жамоада олиб қолиш вариантини ҳам кўриб чиқмоқда.
